ASTANA. KAZINFORM – Kúres túrlerinen Azııa chempıonatynyń besinshi jarys kúninde grek-rım kúresiniń sheberi qazaqstandyq Erjet Jarlyqasyn (63 keli) jartylaı fınalda jeńiske jetti.
Ol shırek fınalda Saýd Arabııa sportshysy Havsavıdi 8:0 esebimen utty.
Ókinishke qaraı 77 keli salmaqta el namysyn qorǵap jatqan balýanymyz Ibragım Magomadov shırek fınalda utyldy. Ol Qyrǵyzstan ókili, eki dúrkin álem chempıony Aqjol Mahmýdovqa 3:3 upaımen ese jiberdi.
Esterińizge sala keteıik, osyǵan deıin erkin kúres balýandary men áıelder kúresinen kil myqtylar anyqtaldy.
Qazaqstandyq erkin kúres sheberleri Saryqurlyq dodasyn 1 altyn, 2 kúmis, 1 qola medalmen aıaqtap, jalpy esepte 4-ornǵa ıe boldy.
Al áıelder kúresinen jerlesterimiz jarysty 4 qola medalmen aıaqtydy.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.