Grant jeńip almaǵandarǵa ne isteýge bolady – Ashat Aımaǵambetov jaýap berdi

<p>ASTANA. KAZINFORM &ndash; Májilistiń Áleýmettik-mádenı damý komıtetiniń tóraǵasy, depýtat Ashat Aımaǵambetov bilim grantyna ıe bola almaǵan talapkerlerge keńes berdi. Bul týraly ol áleýmettik jelidegi paraqshasynda jazdy.&nbsp;</p>

«Kommentterde jáne jekeme byltyrǵy jyldaǵydaı osyndaı mazmundaǵy suraq taǵy da kóp qoıylyp jatyr. Sondyqtan qysqasha óz oıymdy qaıtalaıyn.

Bastysy áli de grantty jeńip alýǵa múmkindik bar. Nege?

Birinshiden, ıgerilmegen birneshe myń grant qaıtadan úılestiriledi. ıAǵnı grant alǵan talapkerlerden keıin turǵan talapkerlerge UBT-da jınaǵan upaı sanyna sáıkes beriledi. Sony kútýge bolady.

Ekinshiden, ákimdikterdiń granttary bar. Birneshe myń grant jergilikti bıýdjetten bólinedi.

Úshinshiden, «Qazaqstan halqyna» qorynyń granttary taǵy bar.

Tórtinshiden, keıbir talapkerler túrli sebep boıynsha jeńip alǵan granttarynan bas tartady. Olardyń sany da az bolmaıdy. Ol granttar da qaıta taǵaıyndalady.

Besinshiden, tipti eshteńe bolmasa, ýnıversıtetke aqyly túrde túsip, keıin jaqsy oqyp, GPA joǵary bolsa, bilim alý kezinde bosaǵan bos grantty utyp alýǵa bolady.

Altynshy, «gap year» arqyly bir jyl daıyndalyp, qaıtadan UBT tapsyryp, grantty jeńip alýǵa bolady. Ol meniń óz basymnan ótken oqıǵa. Bul da jaqsy sheshim.

Jetinshiden, kolledjge túsýge bolady. Kolledjde grant kóp, qajetti mamandyqtar boıynsha kolledj bitirgender naryqta tapshy. Kerek bolsa, keıin ári qaraı JOO-ǵa túsip, qysqa merzimde joǵary bilim alyp shyǵýǵa da bolady.

Kórip otyrǵandaryńyzdaı múmkindikter óte kóp. Bári alda. Tolyq málimet alý úshin ýnıversıtetterdiń qabyldaý komıssııasyna jolyǵý kerek», - dep jazdy Ashat Aımaǵambetov.