Grant sany kóbeıgendikten, JOO oqytýshylarynyń jalaqysyn arttyrý kerek - Ashat Aımagambetov
«Joǵarǵy bilim boıynsha jyl saıyn memlekettik tapsyrys kólemi artyp keledi. Sońǵy 4 jylda memlekettik tapsyrys 1,3 esege kóbeıgen jáne bıyl túlekterge 53 myń grant beriledi. Prezıdent tapsyrmasymen bıyldan bastap, grant quny kóteriledi. Onyń baǵasy 10 jyl boıy ózgermegen edi. Bul rette biz eńbekaqyny kóterýdi memlekettik JOO-larǵa mindetteımiz», - dedi mınıstr Feısbýk jelisinde halyq aldynda esep berý barysynda.
Onyń aıtýynsha, qazir eńbekaqy tóleý qorynda eń tómengi eńbekaqy shegin belgileý máselesi talqylanyp jatyr.
«Grant qunynyń kóterilýi pedagogtardyń da eńbekaqysyn arttyrýǵa yqpal etýi tıis. Keı oqý oryndarynda oqytýshylardyń eńbekaqysy 70-80 myń teńge ekeni aıtylady, bul - qabyldaýǵa kelmeıtin tsıfrlar. Sońǵy jyly keı jerde 70%, keı jerde - 50%, 20% eńbekaqy kóterildi. Biraq, memlekettik tapsyrys quny kóterilgen soń, áli de JOO professorlyq-oqytýshylyq quramynyń jalaqysyn arttyrý múmkindigi bar», - dedi A. Aımaǵambetov.