Grand Slam týrnıri: Qazaqstan qorjynyna ekinshi medal tústi

<p>ASTANA. KAZINFORM &ndash; Búgin Tájikstan astanasy Dýshanbe qalasynda ótip jatqan dzıýdodan Grand Slam týrnırinde Darhan Qoıbaǵar qola júldege ıe boldy.&nbsp;</p>

73 keli salmaqta el namysyn qorǵaǵan otandasymyz kishi fınalda olımpıadalyq reıtıngide 30-orynda turǵan mońǵolııalyq Erdenbaıar Batsaıamen beldesip, qosymsha ýaqytta jeńiske jetti. Bul Darhannyń mansabyndaǵy Grand Slam týrnırinen jeńip alǵan alǵashqy júldesi ekenin aıta keteıik.

D.Qoıbaǵar týrnır barysynda Ózbekstan, Ońtústik Koreıa jáne Mońǵolııa balýandarynan basym túsip, jartylaı fınalda shveıtsarııalyq qarsylasyna jol bergen edi.

Esterińizge sala ketsek, 60 keli salmaqta el namysyn qorǵap jatqan Maǵjan Shamshadın el qorjynyna kúmis medal syılaǵan bolatyn.