Gózal Aınıtdınova Qaraǵandydaǵy ITF jarysynyń jartylaı fınalyna ótti

<p>ASTANA. KAZINFORM &mdash; Qazaqstandyq Gózal Aınıtdınova juptyq synda Qaraǵandyda ótip jatqan ITF týrnıriniń jartylaı fınalyna ótti.</p>

Jarystyń 1-raketkalary bolyp tirkelgen G.Aınıtdınova men reseılik Ekaterına Kazıonova aldymen tartysty básekede qazaqstandyqtar Asyljan Arystanbekova – Sandýǵash Kenjebaevany joldan taıdyrdy – 2:6, 7:6, 10:8.

Aınıtdınova – Kazıonova shırek fınaldaǵy matchy budan da tartysty boldy. Olar taǵy bir qazaqstandyq Janel Rústemova – reseılik Elızaveta Shebekınanyń áreń degende mysyn basty – 7:6 (7:4), 6:7 (5:7), 12:10.

Gózal Aınıtdınova – Ekaterına Kazıonova fınalǵa shyǵý úshin reseılik Vıktorııa Mıhaılova – ýkraınalyq Anastasııa Poplavskaıamen sheberlik talastyrady. 

Osy dodada jekeleı synda qazaqstandyqtardan álemniń 495-raketkasy Jibek Qulambaeva ǵana sátti óner kórsetip keledi. Ol alǵashqy aınalymda rýmynııalyq  Aleksandra Iordacheni ońaı utty – 6:2, 6:2. Sodan keıin S.Kenjebaevanyń kelmeýine baılanysty oınamastan shırek fınalǵa joldama aldy. 

Jibek reıtıngide 835-satydaǵy frantsııalyq ıAroslava Bartashevıchpen jartylaı fınal joldamasyn sarapqa salady. 

Qazirgi kezde 23 jastaǵy J.Qulambaeva WTA Live reıtıngisinde 466-orynǵa kóterilip tur.

Eske sala keteıik, budan buryn Dmıtrıı Popkonyń qatarynan 20 oıynda jeńiske jetkenin jazǵan bolatynbyz.

Sondaı-aq qazaqstandyq Mıhaıl Kýkýshkın Shveıtsarııadaǵy týrnırdiń shırek fınalyna shyqty.