Goran Ivanıshevıch Elena Rybakınanyń bapkeri boldy

<p>ASTANA. KAZINFORM &mdash; Horvatııalyq maman Goran Ivanıshevıch Qazaqstannyń birinshi, álemniń besinshi raketkasy Elena Rybakınanyń bapkeri boldy.</p>

Bul týraly Er-Rııadta (Saýd Arabııasy) WTA qorytyndy týrnırine oraı ótken baspasóz máslıhatynda tennısshiniń ózi málimdedi.

Bıyl Goran Ivanıshevıch serbııalyq, «Úlken dýlyǵa» jarysynyń 24 dúrkin chempıony Novak Djokovıchpen bes jyldan astam ýaqytqa sozylǵan bapkerlik baılanysty aıaqtady.

Elena Rybakınanyń jattyqtyrýshysy bolǵanyn Ivanıshevıchtiń ózi áleýmettik jelide rastady.

Búgin Elena Rybakına WTA qorytyndy týrnırinde bastapqy kezdesýin álemniń tórtinshi raketkasy, Italııa ókili Jasmın Paolınımen ótkizedi.

Eske sala keteıik, budan buryn Elena Rybakına baq synaıtyn WTA qorytyndy týrnıriniń jerebesi tartylǵanyn jazǵan bolatynbyz.