Google paıdalanýshylaryn jasyryn ańdyǵany úshin ótemaqy tóleıdi

<p>Amerıkalyq Google kompanııasy Google Chrome braýzeriniń paıdalanýshylary týraly málimetti jasyryn jınaýǵa qatysty keminde 5 mlrd dollarlyq sot isi boıynsha aldyn ala bitimge keldi. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://www.reuters.com/legal/google-settles-5-billion-consumer-privacy-lawsuit-2023-12-28/" target="_blank" rel="noopener">Reuters</a> basylymyna&nbsp;silteme jasap habarlaıdy.&nbsp;&nbsp;</p>

Іsti retteý sharttary jarııalanǵan joq, biraq zańgerler Google talaptardyń mindetti tizimine keliskenin aıtty.

Ol 2024 jyldyń 24 aqpanyna deıin sottyń bekitýine jiberiledi.

Talapkerlerdiń shaǵymyna sáıkes, Google qosymshalary paıdalanýshylar Google Chrome braýzerin jeke «ınkognıto» rejımine aýystyrǵan kezde de olardyń belsendiligin baqylaýǵa múmkindik berdi.

Google-ǵa qarsy is 2020 jyly AQSh-tyń Kalıfornııa shtatynda qaraldy.

Sot kompanııaǵa servısterin paıdalanǵan mıllıondaǵan adamnyń telefonmen sóılesýin tyńdaý týraly federaldyq zańdar men Kalıfornııanyń qupııalylyq týraly zańdaryn buzǵany úshin zardap shekkenderdiń árqaısysyna keminde 5 000 dollar kóleminde shyǵyn óteýin talap etti.