Google-dyń jańa jasandy ıntellekt quralynyń jaýaptary paıdalanýshylardy adastyrady

<p>ASTANA. KAZINFORM &ndash; AQSh-ta Google-diń qysqa jaýaptar jasaýǵa arnalǵan jańa jasandy ıntellekt quralynyń jańylystyratyn aqparat beretindigi mamandardyń alańdaýshylyǵyn týǵyzdy, dep jazady <a href="https://www.euronews.com/next/2024/05/27/googles-new-ai-summaries-tool-causes-concern-after-producing-misleading-responses" target="_blank" rel="noopener">Euronews.</a></p>

Osy aıda Google AQSh-ta jańa JI Overview fýnktsııasyn iske qosty. Ol qoıylǵan suraqtarǵa qysqasha málimet beredi. Alaıda, onyń arasynda jańylystyratyn aqparat beretini belgili boldy.

Máselen, Google suraýshylardyń birine «ǵaryshkerler Aıda mysyq kezdestirdi, olarmen oınady jáne olarǵa qamqor boldy» dep jaýap bergen.

Jeli qoldanýshylarynyń biri JI Overview kúnine bir tas jeýge keńes beretinin jazsa, ekinshisi pıtstsaǵa jelim qosyp jeýge keńes bergenin aıtqan.

Nıý-Meksıkodaǵy Santa-Fe ınstıtýtynyń JI zertteýshisi Melanı Mıtchell Google-dan qansha musylman AQSh prezıdenti bolǵanyn suraǵanda, JI Overview senimdi túrde «Amerıka Qurama Shtattaryn bir musylman prezıdent basqardy, ol - Barak Hýsseın Obama» dep jaýap bergen.

JI bul pikirdi tarıhshylar jazǵan akademııalyq kitaptyń taraýyna silteme jasaı otyryp aıtqan. Alaıda kitaptyń eshbir taraýynda mundaı málimdeme bolmaı shyqqan.

Tehnologııalyq alpaýyt qatelerdi túzetý úshin «shuǵyl shara» qoldanyp jatqanyn aıtty. Biraq kóp jaǵdaıda Google júıeniń durys jumys isteıtinin aıtyp aqtaldy.