Google Qazaqstanda 2020 jyly eń jıi suralǵan málimetter tizimin jarııalady
Ótip bara jatqan 2020 jyly qazaqstandyqtar Google–dan «Koronavırýs» sózin eń jıi izdepti. 2020 jyldyń «qashyqtyqtaǵy» jylǵa aınalǵany belgili. Osyǵan baılanysty bilim resýrstaryna degen suranys birden artqan. Osylaısha suranystardyń alǵashqy oryndaryna Onlaın mektep, Kúndelik.kz, Ok edýs, Klassrým jáne Bilim lend resýrstary jaıǵasqan. Sonymen birge qazaqstandyqtar AQSh-taǵy saılaý týraly aqparatty, 42 500 teńge týraly málimetti kóp izdegen. Sondaı-aq Egov.kz portalyna kirgender de kóp. «Qaǵaz úı» («Býmajnyı dom») serıalyna degen suranys ta joǵary bolypty.
Adamdardyń esimi jaǵynan qazaqstandyqtar kenet qaıtys bolǵan Aısultan Nazarbaevty Google–dan kóp izdepti. Ekinshi orynda – Kobı Braıant. Ol ótken jyldyń qańtar aıynda áýe apatynan qaıtys bolǵan amerıkalyq basketbolshy. Sonymen birge qazaqstandyqtardyń saıasatqa qyzyǵýshylyǵy joǵary ekeni baıqalady. Sebebi Djo Baıden, Donald Tramp, Alekseı Navalnyı jáne Aleksandr Lýkashenko sekildi saıasatkerlerdiń esimin izdeý júıesine qoıyp, kóp izdepti. Sonymen qatar qazaqstandyq paıdalanýshylar Mıhaıl Efremov, Artem Dzıýba, Chedvık Boýzman jáne Borıs Klıýev týraly aqparatty da izdegen.
Qazaqstandyq Google paıdalanýshylarynyń nusqasy boıynsha jyl fılmi - «Juqtyrý» («Zarajenıe») trılleri. Sonymen birge «Jyldyń fılmi» kategorııasyndaǵy eń suranysqa kóp ıe bolǵandardyń qatarynda «Babalar úni» («Zov predkov»), «Sodan soń 2» («Posle 2»), «365 kún» («365 dneı»), «Holop» komedııasy jáne «Muzdy ólke - 2» («Holodnoe serdtse 2») jáne «Malefısenta 2» bar.
Úzdik ondyqqa Gaı Rıchıdiń «Djentlmender» qylmystyq komedııasy men ótken jyldyń «Úzdik fılmi» nomınatsııasynda «Oskar» syılyǵyn jáne ózge de kóptegen aıtýly marapattardy alǵan ońtústik koreıalyq kartına «Parazıtter» kirdi. Otandyq kınematograftan Top-10–dyqqa «Bıznes po-kazahskı v Koree» komedııasy engen.
«Jyldyń serıaly» kategorııasynyń kóshbasshy úshtigine «Qaǵaz úı» («Býmajnyı dom»), «Elıta» jáne «Qatygez Ystanbul» («Jestokıı Stambýl») serıaldary kirdi. Qazaqstandyqtar burynǵydaı túrik jáne ońtústikkoreılik serıaldardy kóp qóredi.
«...degenimiz ne?» degen suraqty qoıa otyryp, qazaqstandyq Google paıdalanýshylary BSN, pandemııa jáne BÁJ-diń ne ekenin bilgisi kelipti. Sonymen birge qazaqstandyqtar IBAN, klaster, ústeý, epıtet, UAD, sóz tirkesi men koronavırýs maǵynalaryna jıi qaraǵan.
2020 jyly «Jyldyń satyp alynǵan zaty» sanatynda taǵy da úsh jyl qatarynan – temirjol bıleti jeńimpaz atandy. Sonymen birge osy jyly qazaqstandyqtardy pýlsoksımetrdi, Almaty qalasyndaǵy úılerdi, basseın men velosıped satyp alý jaıly aqparat qyzyqtyrǵan.
2020 jyly Qazaqstanda eń kóp salynǵan suraýlardyń tolyq tizimi kelesideı:
Eń áıgili suranymdar:
1. Koronavırýs
2. Onlaın mektep
3. 42500 eńbek kz
4. Bilim lend
5. Egov.kz
6. Ok edýs
7. Kúndelik kz
8. AQSh-taǵy saılaý
9. Qaǵaz úı
10. Klassrým
Jyldyń fılmi:
1. Juqtyrý
2. Muzdy ólke 2
3. Djentlmender
4. Parazıtter
5. Sodan soń 2
6. Bıznes po-kazahskı v Koree
7. Malefısenta 2
8. 365 kún
9. Holop
10. Babalar úni
...degenimiz ne?
1. bın degenimiz ne
2. pandemııa degenimiz ne
3. esp degenimiz ne
4. iban degenimiz ne
5. klaster degenimiz ne
6. narechıe degenimiz ne
7. epıtet degenimiz ne
8. bmg degenimiz ne
9. slovosochetanıe degenimiz ne
10. koronavırýs degenimiz ne
Jyldyń adamy:
1. Aısultan Nazarbaev
2. Kobı Braıant
3. Mıhaıl Efremov
4. Djo Baıden
5. Alekseı Navalnyı
6. Donald Tramp
7. Artem Dzıýba
8. Aleksandr Lýkashenko
9. Chedvık Boýzman
10. Borıs Klıýev
Jyldyń serıaly:
1. Qaǵaz úı
2. Elıta
3. Qatygez Ystanbul
4. Elshiniń qyzy
5. Esigimdi qaq
6. Jeldi
7. Vedmak
8. Korol: Máńgi monarh
9. Kýmıho týraly ertegi
10. Esýas, biraq bári durys
Jyldyń satyp alynǵan zaty:
1. JD bıletter
2. Áýe bıletter
3. Basseın
4. Almatydaǵy úı
5. Pýlsoksımetrler
6. Krysha Almaty
7. Velosıped
8. Qaraǵandy páter
9. iPhone 12
10. Medıtsınalyq maskalar