Google Eýropalyq komıssııaǵa Microsoft-qa qatysty shaǵym túsirdi

<p>ASTANA. KAZINFORM &ndash; Google kompanııasy Microsoft korporatsııasynyń ústinen Eýropalyq komıssııaǵa antımonopolııalyq shaǵym túsirdi. Onda ol tutynýshylardy Azure bulttyq platformasyna baılanystyrý úshin Windows baǵdarlamalyq quralyn paıdalandy, sondaı-aq olardy balamalarǵa ońaı aýysý múmkindiginen aıyrdy dep aıyptady. Bul týraly <a href="https://www.aa.com.tr/ru/%D0%BC%D0%B8%D1%80/google-%D0%BF%D0%BE%D0%B4%D0%B0%D0%BB%D0%B0-%D0%B6%D0%B0%D0%BB%D0%BE%D0%B1%D1%83-%D0%BD%D0%B0-microsoft-%D0%B2-%D0%B5%D0%B2%D1%80%D0%BE%D0%BF%D0%B5%D0%B9%D1%81%D0%BA%D1%83%D1%8E-%D0%BA%D0%BE%D0%BC%D0%B8%D1%81%D1%81%D0%B8%D1%8E/3342166" target="_blank" rel="noopener">Anadolu Ajansı</a> jazdy.&nbsp;</p>

Google-dyń pikirinshe, Microsoft tutynýshylardy Azure-di paıdalanýǵa jáne olardy ekojúıesimen baılanystyrý úshin óziniń naryqtyq kúshi men shekteýli lıtsenzııalaý sharttaryn paıdalanady. 

Microsoft ádil básekelestikke jol berýdiń ornyna basqa bulttyq provaıderlerdi tańdaǵan tutynýshylardy jazalaý úshin Windows server bıznesindegi yqpalyn paıdalanyp otyr. 

Microsoft az ýaqyt ishinde bultty esepteýler ındýstrııasynda aıtarlyqtaı ósimge qol jetkizgeni atap ótildi. Google bolsa bul sektordaǵy sarapshylardyń úmitin aqtaı almady.

Onyń ústine, bul Google kompanııasynyń Eýropalyq komıssııaǵa jibergen alǵashqy shaǵymy ekenin atap ótken jón.

Buǵan deıin Google Eýroodaqta tsıfrlyq jarnama úshin salynǵan monopolııaǵa qarsy aıyppuldy joıý týraly isti jeńip alǵan bolatyn.

Eske sala ketsek, AQSh úkimeti Google-dy jarnama naryǵynda monopolıst retinde tanýdy talap etken edi.