Google eki faktorly tańdaý terezesin engizdi - Básekelestikti qorǵaý agenttigi

<p>ASTANA. KAZINFORM - Google izdeý júıeleri naryǵynda básekelestikti damytý maqsatynda eki faktorly tańdaý terezesin engizýde, dep habarlaıdy&nbsp;<a href="https://www.gov.kz/memleket/entities/zk" target="_blank" data-tip="true" data-for="breadcrumbs-3" rel="noopener">Básekelestikti qorǵaý jáne damytý agenttigi.</a></p>

BQDA buǵan deıin Google LLC, Google Ireland Limited jáne Google Commerce Limited ( ári qaraı – Google) kompanııalaryna onyń áreketterinde ústem jaǵdaıdy teris paıdalaný belgileriniń bar ekendigi týraly habarlama jibergen edi.

Habarlamany oryndaý úshin qazirgi ýaqytta Google kompanııasy «Chrome» braýzeri alǵash ret iske qosylǵan kezde (avtomatty túrde nemese qolmen) tańdaý terezesi engizilgen tıisti nusqasyna deıin Android OJ bazasyndaǵy qoldanystaǵy mobıldi qurylǵylarda júzege asyrylatyn eki faktorly «ótkizbeıtin» tańdaý terezesin kórsetýdi engizdi.

Jańa qurylǵylarda tańdaý terezesiniń demonstratsııasy osy qurylǵylar iske qosylǵannan keıin jáne «Chrome» tańdaý terezesi «kiristirilgen» nusqasyna jańartylǵannan keıin júzege asyrylady. «Chrome» vıdjetin nemese braýzer ashqan kezde paıdalanýshylarǵa tańdaý terezesi kórsetiledi.

2024 jylǵy 1 maýsymdaǵy jaǵdaı boıynsha:

Android operatsııalyq júıesi bar 4 843 890 mobıldi qurylǵyda «Chrome» braýzerin eki faktorly tańdaý terezesi engizilgen nusqasyna avtomatty túrde nemese qolmen jańartý júzege asyrylǵan tańdaý terezesi kórsetildi.

Tańdaý terezesi kórsetiletin jáne tıisti tańdaý jasalatyn qurylǵylardyń odan ári ósýi kútilýde.

2024 jylǵy 1 maýsymdaǵy jaǵdaı boıynsha paıdalanýshylardyń tańdaýy kelesideı:

• Paıdalanýshylardyń 82.95% izdeý júıesi retinde Google-dy tańdady;
• Paıdalanýshylardyń 17.04% - y Yandex-ti izdeý júıesi retinde tańdady.

Aıta ketý kerek, alǵash ret Qazaqstan Respýblıkasynyń ıýrısdıktsııasynan tys iri transulttyq kompanııa óz is-áreketinde ústem jaǵdaıdy teris paıdalaný belgileriniń bolýy týraly Habarlamany oryndady.

Kóptegen elderde, sonyń ishinde EO, Reseı Federatsııasy jáne Belarýs Respýblıkasynda retteýshi memlekettik organdardyń talaby boıynsha izdeý júıelerin tańdaý ekrandary engizilgen.