Google, Apple, Netflix: sheteldik kompanııalar Qazaqstanǵa 70 mlrd teńge salyq tóledi

<p>ASTANA. KAZINFORM &ndash; 2022 jyly elimizde sheteldik ınternet-kompanııalarǵa qatysty qosylǵan qun salyǵy engizildi, ol basqasha &laquo;Google salyǵy&raquo; dep atalady. Tolyǵyraq Qarjy mınıstriligi Memlekettik kirister komıtetiniń aqparatynda aıtylǵan.</p>

- Bul jańashyldyq elektrondy saýdamen aınalysatyn jáne jeke tulǵalarǵa elektrondy túrde qyzmet kórsetetin sheteldik uıymdardyń salyqtyq mindettemelerin retteýge baǵyttalǵan. Búginde elimizde 98 sheteldik uıym tirkelgen, olardyń arasynda Alibaba, Aliexpress, Apple, Google, Huawei, Netflix, Pinduoduo, Temu jáne basqa iri kompanııalar bar. Tólengen salyqtardyń jalpy somasy 70,0 mıllıard teńgeden asty, - delingen habarlamada.

Qazaqstandaǵy sheteldik ınternet-kompanııalardyń qyzmetin baqylaýdy kúsheıtý maqsatynda salyq kodeksine ózgerister engizildi.

- Eger sheteldik kompanııa tirkelý jónindegi mindettemesin oryndamasa, onyń Qazaqstan aýmaǵyndaǵy qyzmetin buǵattaý múmkindigi qarastyrylǵan. Osylaısha, «Google salyǵyn» engizý jáne odan ári damytý ulttyq ekonomıkanyń múddesin qorǵaýǵa jáne naryqtyń barlyq qatysýshysyna ádil ári teń jaǵdaı jasaýǵa baǵyttalyp otyr. Atalǵan sharalar salyqtyq tártipti nyǵaıtýǵa jáne Qazaqstandaǵy elektrondy saýdanyń uzaq merzimdi damýyna berik negiz qalyptastyrýǵa yqpal etedi, - dep habarlaıdy Kirister komıtetinen.

Aıta keteıik, Qazaqstanda qosylǵan qun salyǵyn tsıfrlyq teńgemen tóleýge bolady.