Google «2GIS» qosymshasyn zııandy dep tapty

<p>Keıbir ınternet qoldanýshylary Android qurylǵylaryna arnalǵan Google Play marketi &laquo;2GIS&raquo; kartografııalyq servısiniń qosymshasyn zııandy dep tapqanyn habarlady. &laquo;2GIS&raquo; baspasóz qyzmeti bul týraly biletin bolyp shyqty jáne olar bul málimetterdiń shyndyqqa janaspaıtynyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> reseılik <a href="https://tass.ru/ekonomika/19699101" target="_blank" rel="noopener">TASS</a> agenttigine silteme jasap.</p>

«2GIS» bul qosymshalar marketinde 2023 jyldan beri ýaqytsha ashylmaı tur.

Google Play qorǵanys júıesinen qoldanýshylarǵa jiberilgen habarlamalarda qosymshanyń «SMS, sýret, aýdıojazbalar, qońyraýlar jýrnaly sııaqty jeke málimetterge qol jetkizýge umtylyp jatyr» degen eskertýler bar. Jeli qoldanýshylary bul problemaǵa jappaı shaǵymdana bastady.

«2GIS» ókilderi bolsa, qosymshanyń qaýipsiz, senimdi ári zııansyz ekenin málim etti.

«Atalǵan habarlandyrýlar Google talaptarymen baılanysty jáne bul talaptar Google Play-de ýaqytsha qoljetimsiz bolatyn barlyq qosymshalarǵa birdeı júredi»,-dep túsindirdi servıstiń baspasóz qyzmeti.

Servıs ókilderi ony qoldanýshylar daýys arqyly izdeý jumystaryn júrgizip, uıymǵa tikeleı telefon arqyly habarlasýy úshin, bir sózben aıtqanda servıstiń tolyqqandy jumysyn qamtamasyz etý úshin mıkrofon men qońyraýlardy paıdalanýǵa múmkindik berýdi surap otyrǵanyn jetkizdi. SMS-ke qoljetimdilik qosymshaǵa tirkelgen kezde qoldanýshynyń telefonyna avtomatty túrde kod jiberý úshin kerek.