Gonkongtegi saılaý ýchaskesi óz jumysyn bastady

GONKONG. QazAqparat - QR Prezıdentiniń saılaýynda Gonkongtegi QR Bas konsýldyǵy janyndaǵy №293 saılaý ýchaskesi álem boıynsha alǵashqylardyń biri bolyp Nur-Sultan ýaqytymen saǵat 05:00-de óz jumysyn bastady, dep habarlaıdy «QazAqparat» HAA Qytaıdaǵy menshikti tilshisi.

Qazaqstandyq dıplomattar, sondaı-aq saılaý komıssııasy músheleri saılaý ýchaskesiniń saltanatty ashylýynda ánurandy shyrqady. Bul jerde Gonkong, Makao, Shenchjen jáne Gýanjoý qalalarynda ýaqytsha turatyn Qazaqstan azamattary daýys bere alady. Alǵashqy 30 mınýtta eki qazaqstandyq tańdaýyn jasady. Olarǵa kádesyı tabys etildi.

Eske salaıyq, Qytaıdaǵy saılaý ýchaskeleri QR QHR Elshiliginde (Beıjiń, № 257) jáne Shanhaı qalasyndaǵy QR Bas konsýldyǵynda (№ 294) ashyldy.

Avtory Sadyq Ákıjanov