Gonkongta ótip jatqan Azııa chempıonatynda 2 dzıýdoshymyz qola júldege talasady

<p>ASTANA. KAZINFORM &ndash; Qytaıdyń Gonkong qalasynda ótip jatqan dzıýdodan Azııa chempıonatynda qazaqstandyq eki balýan Abylaıhan Jubanazar men Esmıgýl Kýıýlova qola medal úshin kúresedi.</p>

81 keli salmaqta el namysyn qorǵap jatqan Abylaıhan Jubanazar jartylaı fınalda Hanchjoýdaǵy Azııa oıyndarynyń kúmis júldegeri, álem chempıonatynyń qola júldegeri Lı Djýn-Hvannan (Ońtústik Koreıa) qosymsha ýaqytta jeńilip qaldy.

Al Azııa chempıonatyn 2-aınalymnan bastaǵan qyzdar arasyndaǵy sportshymyz Esmıgúl Kýıýlova (-63 keli) japon balýany Kırarı ıAmagýchıge jol berdi. Sosyn, jubanysh beldesýde úndistandyq sportshydan aılasyn asyrdy. Osylaısha eki balýanymyz qola medalǵa talasý múmkindigine ıe boldy.

70 keli salmaqta taǵy bir otandasymyz Ekaterına Tokareva shırek fınalda Shohısta Nazarovadan, jubanysh beldesýde taǵy bir ózbekstandyq Gúlnoza Matnııazovadan ary óte almady.

Aıta keteıik, Azııa chempıonatynyń jeńimpazy reıtıngte 700, kúmis júldeger 490 upaı alsa, qola medal alǵan 2 dzıýdoshyǵa 350 ball qosylady.

Atalǵan Saryqurlyq dodasynda 34 eldiń 262 tańdaýly tatamı sheberleri ózara kim myqtyny anyqtap jatyr.