Gonkongta oqýshylar men ustazdar kún saıyn koronavırýsqa test tapsyrady

BEIJІŃ. QazAqparat – Qytaı Halyq Respýblıkasynyń Sıangan arnaıy ákimshilik aýdanynyń bıligi (SARS, Gonkong) oqýshylar men pedagogterden kún saıyn koronavırýsqa test tapsyrýdy talap etedi. Bul týraly dúısenbi kúni Sıangan ákimshiliginiń basshysy Kerrı Lam brıfıng barysynda málim etti, dep habarlaıdy QazAqparat menshikti tilshisi.

Kerrı Lamnyń aıtýynsha, dástúri formattaǵy oqý bastalǵannan keıin oqýshylar men ustazdar kún saıyn koronavırýsqa test tapsyrýy tıis. Sabaqqa COVID-19 nátıjesi teris shyqqan oqýshylar men muǵalimder ǵana qatysady.

Oqýshylar arasynda KVI-ge test tapsyrýǵa arnalǵan tegin 10 mln jıyntyq taratylady.

Jergilikti densaýlyq saqtaý organynyń málimdemesinde vaktsına almaǵan oqýshylarǵa sport jáne mýzyka sııaqty sabaqtan tys úıirmelerge qatysýǵa ruqsat etilmeıdi.

Eger oqýshylar arasynda koronavırýs juqtyrǵandar sany 5% assa, dástúrli formattaǵy oqýdy toqtatý máselesi qaralady.

Gonkongte 20 sáýirden bastap joǵary synyp oqýshylaryna, al mamyrdan bastap bastaýysh synyp oqýshylaryna sabaq bastalady.

Jergilikti BAQ-tyń málimetinshe, Gonkongte 12-19 jas aralyǵyndaǵy jasóspirimderdiń 80% koronavırýsqa qarsy vaktsınatsııanyń tolyq kýrsynan ótti. Bul kórsetkish 3-11 jastaǵy balalar arasynda 30% quraıdy.

Resmı derekterge sáıkes, 10 sáýirdegi jaǵdaı boıynsha Gonkongte 1 myńnan astam adam koronavırýs juqtyryp, 56-sy qaıtys bolǵan.

Gonkongte qaýipti indetke shaldyqqandardyń jalpy sany 1,19 mln adamnan asty, qaıtys boldy - 8 557 naýqas.