Gonkong Qazaqstanǵa bakalavrıat júıesi boıynsha bilim alýǵa granttar bóledi
Mınıstr Gonkongtyń oqý granttaryn bólý týraly jáne Qazaqstanda gonkongtyq joǵary oqý ornynyń fılıalyn ashý týraly birqatar kelisimge qol qoıdy.
Gonkongtyń bilim hatshysymen kezdesýde mınıstr Saıasat Nurbek Qazaqstannyń joǵary bilim jáne ǵylym júıesin damytý maqsatynda Ǵylym jáne joǵary bilim mınıstrligi júrgizip jatqan reformalar týraly aıtty.
Onyń ishinde «Bolashaq» jáne «500 ǵalym» baǵdarlamalary, Qazaqstanda jetekshi sheteldik joǵary oqý oryndarynyń fılıaldaryn ashý týraly.
Óz kezeginde, Choı ıÝklın mınıstrdi Gonkongtyń bilim berý júıesimen tanystyrdy. Taraptar ǵylym jáne joǵary bilim salasyndaǵy ekijaqty yntymaqtastyqty odan ári damytý men tereńdetý máselesin talqylady.
Kezdesýdiń qorytyndysy boıynsha QR Ǵylym jáne joǵary bilim mınıstrligi men Gonkong bilim bıýrosy arasynda Ózara túsinistik týraly memorandýmǵa qol qoıyldy.
Kelisim sheńberinde taraptar bilim berý salasyndaǵy yntymaqtastyqty kótermeleýge jáne ilgeriletýge, qazaqstandyq oqýshylarǵa bakalavrıatta oqýǵa granttar bólýge, ǵalymdar, sarapshylar, stýdentter, JOO professor-oqytýshylar quramy jáne t. b. almasýǵa járdemdesýge ýaǵdalasty.
Sol kúni, Saıasat Nurbek Hong Kong Polytechnic University (PolyU) prezıdenti professor Jin-Guang Teng-pen kezdesti.
Ýnıversıtet álemdegi eń úzdik oqý oryndarynyń qataryna kiredi. Taraptar túrli salalardaǵy yntymaqtastyq týraly jemisti pikirtalastar ótkizdi. PolyU basshysy ýnıversıtettiń negizgi jetistikteri týraly aıtyp, qazaqstandyq stýdentterdiń daıyndyq deńgeıi men úlgerimin joǵary baǵalady. Professor elimizde osy JOO fılıalyn ashý múmkindigine joǵary qyzyǵýshylyq tanytty.
City University of Hong Kong (CityU) sapary barysynda QR ǴJBM men ýnıversıtet arasynda Strategııalyq áriptestik ornatý boıynsha ózara túsinistik týraly memorandýmǵa qol qoıyldy. Memorandýmǵa sáıkes taraptar talanttar men ınstıtýtsıonaldyq yntymaqtastyqty damytýǵa, bilim almasýdy keńeıtýge jáne Gonkong pen Qazaqstan arasyndaǵy mádenı ózara túsinistikti nyǵaıtýǵa yqpal etetin bastamalardy zerdeleıdi. Sondaı-aq, Qazaqstanda CityU fılıalyn ashý týraly ýaǵdalastyqqa qol jetkizildi.
«QR Prezıdenti Qasym-Jomart Toqaev Ǵylym jáne joǵary bilim mınıstrliginiń aldyna Qazaqstanda sheteldik joǵary oqý oryndarynyń fılıaldaryn ashý mindetin qoıyp otyr. Osy maqsatta QR Úkimeti yntymaqtastyq geografııasyn keńeıtý úshin jaǵdaı jasaýda. Biz CityU-men strategııalyq yntymaqtastyq ornatýǵa qýanyshtymyz. Ózara túsinistik týraly Memorandým Qazaqstan men Gonkong arasyndaǵy bilim berý baılanystaryn nyǵaıtady, tájirıbe almasýdy jeńildetedi jáne zertteýler men talanttardy damytý úshin jańa múmkindikter ashady», - dep atap ótti Saıasat Nurbek.
Óz kezeginde, provost jáne ýnıversıtet Prezıdentiniń orynbasary, professor Chun-Sing Lee kelisim ózara múddeli jobalarda ǵylymı-zertteý yntymaqtastyqty yntalandyrady dep atap ótti.
«Biz jahandyq yntymaqtastyqtyń jańa dáýiriniń qarsańynda turǵandyqtan, biz Qazaqstannyń joǵary oqý oryndarymen seriktestiktiń jańa múmkindigine qýanyshtymyz jáne maqtanamyz», - dep atap ótti Chun-Sing Lee.
Sonymen qatar, mınıstr Saıasat Nurbek Gonkongta oqıtyn qazaqstandyq stýdenttermen kezdesti. Ol ǵylym jáne joǵary bilim salasyndaǵy ınnovatsııalar týraly aıtyp, osy ózgeristerge belsendi qatysýǵa shaqyrdy.
Saıasat Nurbek QR Prezıdenti Q.Q. Toqaevtyń tehnıkalyq baǵyttaǵy mamandardyń sapasy men sanyn arttyrý jónindegi tapsyrmasyna tyńdaýshylardyń nazaryn erekshe aýdardy. Mınıstrdiń aıtýynsha, sheteldik jetekshi tehnıkalyq joǵary oqý oryndarynda oqyǵan jas ınjenerler jańa óndiristik alańdarda kadrlyq tapshylyqty birinshi bolyp toltyrýy tıis. Stýdentter óz qyzyǵýshylyqtaryn bildirip, eldiń ǵylymy men joǵary bilimin damytý boıynsha óz ıdeıalaryn usyndy. Mınıstr barlyq usynystardy muqııat tyńdap, nazarǵa aldy.