Golovkınniń qolǵaby men Rybakınanyń tenıs doby aýktsıonǵa qoıylady

<p>ALMATY. KAZINFORM &ndash; Áıgili boksshy Gennadıı Golovkınniń qoltańbasy bar qolǵaby men tanymal qazaqstandyq sportshy Elena Rybakınanyń qoltańbasy bar tennıs doby qaıyrymdylyq aýktsıonyna qoıylady.&nbsp;</p>

«Assyltas» qoǵamdyq qorynyń baspasóz qyzmeti habarlaǵandaı, GGG-diń 2017 jyly meksıkalyq Saýl Kanelo Alvarespen judyryqtasqan qolǵaby men Rybakınanyń qoltańbasy qoıylǵan tennıs doby jáne onyń Qazaqstan quramasynyń olımpıadalyq kıimi aýktsıonǵa shyǵarylady. Odan túsken qarajatty Assyltas qoǵamdyq qory kómekke muqtaj egizderdiń emine jumsaıdy. 

Aýktsıon 1 maýsymda Almatydaǵy HAS PRO BOXING boks keshi ótetin ADD Arena kesheninde bolady.

Týrnırdiń basty oqıǵasy qazaqstandyq Mıras Ertanov pen WBC International burynǵy chempıony polshalyq Vıktor Kotochıgov arasyndaǵy jekpe-jek bolmaq.