Golovkınniń jattyqtyrýshysy revanshqa qatysty pikir bildirdi

ASTANA. QazAqparat - Qazaqstandyq boksshy Gennadıı Golovkınniń (37-0-1, 33 KO) jattyqtyrýshysy Abel Sanches meksıkalyq boksshy Saýl Alvarespen (49-1-2, 34 KO) bolatyn revanshtyń merzimine qatysty óziniń pikirin bildirdi, dep jazady Sports.kz.

«Tom Leffler Golden Boy-men  kelissózderin jalǵastyrýda jáne onyń qorytyndysy týraly jaqyn arada biletin bolamyz. Mamyr aıynda revansh ótkizý úshin qandaı talaptardy oryndaý kerektigin men áli bilmeımin», - dedi Sanches World Boxing News-qa bergen suhbatynda.

Aıta keteıik, Golovkın - Alvares revanshy 2018 jyldyń 5 mamyrynda ótedi dep kútilýde. Jekpe-jekti qabyldaýǵa Las-Vegas, Dallas (100 myńdyq AT&T Stadium arenasy) jáne Nıý-Iork qalalary úmitker bolyp otyr.