Golovkınniń jańa jattyqtyrýshysy eńbekaqysy jaıly aıtty

NUR-SULTAN. QazAqparat - Qazaqstandyq boksshy Gennadıı Golovkınniń (38-1-1, 34 KO) jattyqtyrýshysy Djonaton Benks boksshymen seriktestiginiń qarjylyq jaǵy týraly aıtyp berdi, dep habarlaıdy «QazAqparat» HAA Sports.kz-ke silteme jasap.

- Golovkınniń Sanchespen baılanysyn úzý sebebine qatysty pikirińizdi bildire alasyz ba? Golovkınge kórsetetin qyzmetińizdiń eńbekaqysy qandaı?

- Olardyń ne sebepti baılanystaryn úzgeni meni alańdatpaıdy. Oǵan qatysty pikirimdi bildire almaımyn. Eńbaqyma kelsek, ony da egjeı-tegjeıli aıtqym kelmeıdi. Biraq qarjylyq máseleler boıynsha meniń túsinýimshe, bári durys.

Aıta keteıik, Golovkın men Sanchestiń aırylysýyna sheshilmegen qarjylyq máseleler sebep boldy: Gennadıı jattyqtyrýshysynyń jalaqysyn azaıtqysy kelgen, al ol bas tartqan. Gennadıı Benkstiń jattyqtyrýymen alǵash ret 8 maýsym kúni Nıý-Iorkte kanadalyq Stıv Rollspen (19-0, 10 KO) jekpe-jekke shyǵady. Parımatch býkmekerlik keńsesiniń baǵalaýynsha: Golovkınniń jeńisi - 1.01, Rolldyń jeńisi - 19. Jekpe-jek 164 fýnttyq aralyq salmaqta ótedi.