Golovkınniń jańa bapkeri jattyǵýǵa engizilgen ózgerister týraly aıtty

NUR-SULTAN. QazAqparat - Gennadıı Golovkınniń jańa jattyqtyrýshysy Djonaton Benks boksshynyń stılin ózgertýge arnalǵan birqatar josparlarymen bólisti, dep habarlaıdy Sports.kz.

Benkske deıin Golovkın toǵyz jyl Abel Sanchespen birlesip jumys istedi. 8 maýsym kúni Nıý-Iorkte ótetin Stıv Rollspen jekpe-jek 36 jastaǵy amerıkalyqtyń GGG-diń jattyqtyrýshysy retindegi alǵashqa aıqasy bolmaq.

«Qazir biz onyń rıngtegi belsendiligi úshin jumys jasap jatyrmyz. Dál qazirgi ýaqytta bul bizdiń negizgi maqsatymyz. Kóbirek soqqy berip, qarsylasty sharshatý kerek. Bir shabýylǵa ǵana emes, qatarynan birneshe soqqyǵa kúsh salsa, qarsylastyń sharshy alańda demalýyna ýaqyt qalmaıdy. Raýndar arasyndaǵy úzilis qana onyń tynystap alýyna múmkindik beredi. Osylaısha qarsylasyńyzdyń rıngte ózin qolaısyz sezinýine jol ashasyz», - dedi Djonaton Benks Fighthub TV-ge bergen suhbatynda.