Golovkınniń úzdik úsh qarsylasy belgili boldy
09:08, 24 Shilde 2018
ASTANA. QazAqparat - Orta salmaqta WBA Super, WBC jáne IBO tujyrymdary boıynsha álem chempıony Gennadıı Golovkınniń (38-0-1, 34 KO) promoýteri Tom Leffler qazaqstandyq boksshy sýperorta salmaqqa ótken jaǵdaıda, oǵan qarsylas atanýy múmkin úsheýdi atady, dep habarlaıdy Sports.kz.
«168 fýnttyń dıvızıonynda Davıd Benavıdes pen Djeıms Dıgeıldiń juldyzy janyp tur. Olar Golovkınge jaqsy qarsylas bola alady. Sosyn, Hılberto Ramıres te bar. Gennadııge bul salmaqta óner kórsetý úshin problema týyndamaıdy», - dedi Leffler.
Qazir Golovkın orta salmaqta meksıkalyq Saýl Alvarespen (49-1-2, 34 KO) ótetin ekinshi jekpe-jekke qyzý daıyndyq ústinde. Rematch 15 qyrkúıekte Las-Vegastaǵy T-Mobile Arena-da bolady.