Golovkınniń tıtýlyna Sergeı Derevıanchenko men Denıel Djeıkobs talasýy múmkin

ASTANA. QazAqparat - Eger qazaqstandyq boksshy Gennadıı Golovkın (37-0-1, 33 KO) IBF tıtýlynan aıyrylsa, beldikti ýkraınalyq Sergeı Derevıanchenko (12-0, 10 KO) men amerıkalyq Denıel Djeıkobs (33-2, 29 KO) ózara talasqa salýy múmkin, dep jazady Sports.kz.

Eske sala keteıik, Halyqaralyq boks federatsııasy jáne Sergeı Derevıanchenkonyń ókilderi osy uıymnyń tıtýlyn mindetti qorǵaý úshin óz boksshysynyń 5 mamyrda GGG-men aıqasýyn suraǵan. Ýkraındyq boksshy osy belbeýdiń mindetti úmitkeri sanalady.

Buǵan deıin, eger IBF Derevıanchenko komandasynyń ótinishin qanaǵattandyryp, biraq Golovkınmen basqa bireý aıqasatyn bolsa, bul uıym ony óz tujyrymy boıynsha ony álem chempıony tıtýlynan aıyrýy múmkin ekenin habarlaǵan bolatynbyz.

Biraq Golovkınniń komandasy ýkraınalyq boksshymen ótetin jekpe-jekti munshalyqty jyldamdatýǵa bolmaıtynyn aıtyp otyr. Tıtýl tóńiregindegi túıtkil týraly Derevıanchenkonyń promoýteri Lý DıBella taǵy da sóz qozǵady.

«Eger Gennadıı Golovkın tıtýlynan aıyrylsa, onda Derevıanchenko IBF reıtıngindegi kelesi boksshy Denıel Djeıkobspen jekpe-jek ótkizý quqyǵyna ıe bolady. Ekeýi de osyǵan kelisim berse, jekpe-jekti uıymdastyramyz», - deıdi Lý DıBella Badlefthook.com-ǵa bergen suhbatynda.

Aıta keteıik, 5 mamyrda Golovkınge qarsy jekpe-jekke shyǵýy múmkin úmitker retinde amerıkalyq armıan boksshysy Vanes Martırosıannyń (36-3-1, 21 KO) esimi jıi atalyp jatyr.