Golovkınniń rıngke qashan oralatyndyǵy aıtyldy

ASTANA. QazAqparat - Boxingnews24.com jýrnalısi Shon Djons qazaqstandyq boksshy Gennadıı Golovkınniń aldaǵy perspektıvasy týraly pikir bólisti, dep habarlaıdy Sports.kz.

«Lefflerdiń sózine qaraǵanda, Golovkın 2019 jyldyń alǵashqy jartysynda - naýryzda nemese sáýirde rıngke shyǵady. Ol ázirge Golovkınniń qarsylasy týraly eshteńe aıtqan joq, degenmen GGG bapkeri Abel Sanches orta salmaqta WBA tujyrymy boıynsha «turaqty» álem chempıony Rob Brantty aıtyp otyr. Olardyń 2019 jyldyń basynda osy jigitpen kezdespek oıy bar», - dep jazady Shon Djons.

Eske sala keteıik, 20 qazanda Rob Brant (24-1, 16 KO) japon boksshysy Rıota Mýratany (14-2, 11 KO) jeńip, WBA «turaqty» chempıony atanǵan. Golovkınniń komandasy 2019 jyly Japonııada Mýratamen megafaıt uıymdastyrmaq bolǵan edi. Japon boksshysynyń osy jeńilisi olardyń oıyn ózgertken.