Golovkınniń promoýteri úsh tıtýl úshin álem chempıonymen ótetin aıqastyń kúnin aıtty

NUR-SULTAN. QazAqparat – Matchroom Boxing promoýterlik kompanııasynyń jetekshisi Eddı Hırnorta IBF/IBO nusqasy boıynsha orta salmaqtaǵy álem chempıony Genadıı Golovkın (41-1-1, 36 KO) men osy sanatta WBA Super belbeýiniń ıegeri japon sportshysy Rıota Mýratamen (16-2, 13 KO) bolatyn jekpe-jek týraly aıtty, dep habarlaıdy QazAqparat Sports.kz-ke silteme jasap.

«Golovkın men Mýrata arasyndaǵy aıqas jyldyń sońyna qaraı uıymdastyrylýy múmkin. Bul – ádette japondar 31 jeltoqsanda ótkizetin jekpe-jektiń túri. Biz Mýngııamen de aıqas týraly kelissózder júrgizip jatyrmyz, bul da keremet kezdesý bolmaq. Biraq GGG Mýratamen aıqasty jeltoqsan aıynda qarastyrady dep oılaımyn. Árıne, «Kanelo» da bul jekpe-jekti jeltoqsan aıynda nysanaǵa alady. Aldaǵy eki aptada ne bolatynyn kóreıik», — dep málimdedi Hırn IFL.tv-ge bergen suhbatynda.

35 jastaǵy Mýrata 2019 jyldyń 23 jeltoqsanynda Iokogamada kanadalyq Stıven Batlerdi (28-3-1, 24 KO) nokaýtqa jibergen sátten bastap sharshy alańǵa shyqqan joq. Golovkınge keletin bolsaq, ol óziniń sońǵy jekpe-jegin ótken jyldyń 18 jeltoqsanynda AQSh-ta ótkizdi, onda GGG mindetti qarsylasy polıak boksshysy Kamıl Sheremetany (21-1, 5 KO) jeńgen bolatyn