Golovkınniń promoýteri Sonderske qarsy jekpe-jek týraly pikir bildirdi

ASTANA. QazAqparat - Qazaqstandyq boksshy Gennadıı Golovkınniń (38-1-1, 34 KO) promoýteri Tom Leffler WBO beldiginen aıyrylǵan Bıllı Djo Sondersten (26-0, 12 KO) kóri, Búkilálemdik boks sýperserııasynyń chempıony Kallým Smıtpen (25-0, 18 KO) kezdesý ótkizgen jón ekenin aıtty, dep habarlaıdy Sports.kz.

«WBO tıtýly Sonderspen kezdesý uıymdastyrýǵa sebep bolar edi. Endi onyń beldigi joq, sondyqtan Sonders endi bizdi qyzyqtyrmaıdy. Kezinde Golovkın - Sonders jekpe-jegin Qazaqstanda, byltyrǵy EKSPO aıasynda ótkizbek bolyp edik. Biraq qazir bul aıqasty uıymdastyrýdyń túk máni joq.

Biraq Gennadıı Ulybrıtanııaǵa qaıta oralýǵa qarsy emes, munda onyń fanattary kóp. Kallým Smıt jaqsy boksshy, ol Búkilálemdik boks sýperserııasyn jeńip aldy. Ol Golovkınmen kezdesse, tamasha jekpe-jek bolýshy edi», - dedi Leffler.