Golovkınniń promoýteri revansh týraly aıtty

ASTANA. QazAqparat - Qazaqstandyq boksshy Gennadıı Golovkınniń (37-0-1, 33 KO) promoýteri meksıkalyq boksshy Saýl Alvares (49-1-2, 34 KO) komandasymen qaıta jekpe-jek ótkizý týraly kelissózderdiń qalaı júrip jatqandyǵyn aıtty, dep habarlaıdy Sports.kz.

«Kelissózder bastaldy, biz máseleni talqylaý úshin bas qostyq. Mundaı úlken jekpe-jekti uıymdastyrý úshin ýaqyt qajet. Birinshi jekpe-jek tabysty ótti, al revanshty ótkizýde problema bolmaıdy dep oılaımyn. Óıtkeni bul jekpe-jektiń ótkenin fanattar, BAQ, Gennadıı men «Kanelo» qalaıdy»,- dedi Leffler EsNews-qa bergen suhbatynda.

Eske salaıyq, Golovkın - Alvares birinshi aıqasy teń nátıjemen aıaqtaldy. Revansh 2018 jyldyń 5 mamyr kúni ótedi dep kútilýde.