Golovkınniń promoýteri onyń «Kanelomen» trılogııasy jaıly aıtty

NUR-SULTAN. QazAqparat – Qazaqstandyq kásipqoı boksshy Gennadıı Golovkınniń (39-1-1, 35KO) promoýteri Tom Leffler GGG men «Kanelonyń» úshinshi aıqasynyń ótý yqtımaldyǵyna qatysty pikir bildirdi, dep habarlaıdy QazAqparat tilshisi VKontakte áleýmettik jelisindegi «Qazaqstan kásipqoı boksy» paraqshasyna silteme jasap.

«Bul «Kaneloǵa» qoıylatyn suraq. Biz bul suraqqa jaýap bere almaımyz. 14 qyrkúıekte Kanelonyń aıqasy ótýi kerek edi... Gennadıı daıyn. Eger «Kanelo» oǵan úshinshi aıqasty berse, álbette, Gennadıı kelisedi. Biraq, Gennadıı ol tıtýldy alsa (Derevıanchenkomen aıqastan keıin) óziniń chempıondyq jolymen ketýi múmkin. Ol – bokstaǵy ǵana emes, jalpy sporttaǵy marketıngti sportshylardyń biri», - dedi Behind The Gloves portalynyń tilshisine bergen suhbatynda Tom Leffler.

Onyń aıtýynsha, Gennadııdiń Eddı Hırnmen seriktestigi qazaqstandyq boksshy úshin úlken jol ashqaly otyr.

«Eger ol Derevıanchenkony jeńse, ol úshin ekinshi aıqas daıyn. Odan keıin kelesi jyly ne bolaryn baqylaı jatarmyz», - dedi T.Leffler.

Eske sala ketsek, álemniń eks-chempıony qazaqstandyq Gennadıı Golovkın tıtýl úshin aıqas ótkizetindigin resmı jarııalaǵan bolatyn. 7 qazanda ol ýkraınalyq Sergeı Derevıanchenkomen IBF tıtýlyna talasady. Jekpe-jek qazan aıynda Nıý-Iorktegi «Madison Square Garden» arenasynda ótedi.