Golovkınniń promoýteri oǵan qarsy turatyn sportshy izdep júr

ASTANA. QazAqparat - Qazaqstandyq boksshy Gennadıı Golovkınniń (36-0, 33 KO) promoýteri Tom Leffler óziniń tálimgeriniń amerıkalyq Denıel Djeıkobsty (32-1, 29 KO) jeńgen jaǵdaıdy odan ári ózderiniń qalaı áreket etetindikteri jónindegi oılarymen bólisti, dep habarlaıdy Sports.kz Dailynews.com.saıtyna silteme jasap.

«Golovkınmen jekpe-jekke shyǵý týraly kóp adamdar aıtady. Al shyn máninde olardyń tek sanaýlylary ǵana kelisimshartqa qol qoıady. Biz kelisimshartqa qol qoıǵan Kell Brýk pen rıngke endi shyǵatyn Denıel Djeıkobstyń qadamdaryna qurmetpen qaraımyz. Biraq Gennadıı de óziniń mindettemelerin talapqa saı oryndap júr. Bul óte iri ári óte qaýipti kezdesý bolǵaly otyr. Árıne, onyń qalaı bolaryn dál qazir eshkim de dóp basyp aıtyp bere almasy anyq. Degenmen men qazir naýryz aıynda bolatyn kezdesýde Golovkın jeńiske jetken jaǵdaıda oǵan qarsy shyǵýǵa daıyn boksshylary bar ma ekendigin bilý úshin promoýterlermen kelissózder júrgizýdemin. Kanelomen jaǵdaı ózgerissiz qalyp otyr. Biz kelissózder júrgizip jatyrmyz. Alaıda bul jerde oılandyratyn eki másele bar. Genaǵa aldymen 18 naýryzda bolatyn kezdesýde jeńý kerek. Sosyn 6 mamyrda Kanelomen kezdesedi. Eeger osy aıtylǵan eki másele júzege aspasa, endi jekpe-jek bolmaıdy. Eger Golden Boy kelisim jasaýǵa daıyn bolsa, odan biz de bas tartpaımyz»,-dedi Leffler.