Golovkınniń promoýteri kelesi aıqasqa eń tıimdi nusqany atady

ASTANA. QazAqparat - Qazaqstandyq boksshy Gennadıı Golovkınniń promoýteri (38-1-1, 34 KO) Tom Leffler onyń qamqorlyǵyndaǵy boksshy úshin qarjylyq jaǵynan eń tıimdi jekpe-jek týraly aıtty, dep habarlaıdy Sports.kz.

«Gennadııdiń jaqsy tańdaýy bar. Kelesi jyly «Kanelomen» úshinshi aıqas burynǵysynsha eki boksshy úshin tabysty bolmaq», - dep atap ótti Leffler.

 Eske sala keteıik,  «Kanelo» 15 qyrkúıek kúni qazaqstandyq boksshy Gennadıı Golovkınmen (38-1-1, 34 KO) ótken revanshtyq aıqasta jeńiske jetti. 

Golovkın men «Kanelonyń» alǵashqy jekpe-jegi 2017 jyldyń 16 qyrkúıeginde Las-Vegasta ótti. Aıqas tóreshilerdiń sheshimimen teń aıaqtaldy.  

Gennadıı úshinshi aıqasqa da kelisimin berdi. Biraq Alvarestiń komandasy ony uıymdastyrýǵa asyǵyp otyrǵan joq. Saýl Alvarestiń kelesi jekpe-jegi 15 jeltoqsanda Nıý-Iork qalasynda ótedi. Onyń qarsylasy  WBA Super nusqasy boıynsha ekinshi orta salmaqtaǵy chempıon Rokkı Fıldıng (27-1, 15 KO) bolmaq.