Golovkınniń promoýteri «Kanelonyń» ornyna qarastyrylatyn kandıdattardy tizip berdi

ASTANA. QazAqparat - 360/GGG Promotions basqarýshy dırektory Tom Leffler Villainfy Media-ǵa bergen suhbatynda Saýl Alvarespen revansh sáti bul joly da túspese, Golovkınge qyrkúıekte kim qarsylas bolýy múmkindigin aıtty, dep jazady Sports.kz.

Búgin meksıkalyqtyń promoýteri Oskar de la Hoııa kelisimsharttyń qarjylyq bóligi boıynsha ymyraǵa kelý qıyn bolǵandyqtan, «Kanelo» - GGG arasyndaǵy kezekti jekpe-jek bolmaıtynyn, 15 qyrkúıekte Alvares Denıel Djeıkobspen judyryqtasýy múmkin ekenin aıtqan bolatyn.

- Oskar de la Hoııa mıllıon dollar úshin kim kóringenmen nemese 20 mıllıonǵa «Kanelomen» judyryqtasýlaryńyzǵa bolatynyn aıtty.

- «Kanelomen» kezdesýden budan da kóp aqsha túsýi múmkin. Biraq GGG Bıllı Djo Sonders, Sergeı Derevıanchenko nemese Djermall Charlolarmen kezdesse, bular da aıtýly jekpe-jekter qataryna kiretin edi. Bul jerde «úlken» nemese «kishi» jekpe-jek degen uǵym joq, eger «Kanelomen» kezdesýdiń bul joly da sáti túspese, Gennadıı onsyz da jaqsy kezdesýler ótkize alady.

- WBC eger  Golovkın «Kanelomen» kezdespeıtin bolsa, onda Djermall Charloǵa qarsy rıngke shyǵýy tıis ekenin málimdedi...

- Charlomen jekpe-jek aıtýly kezdesý bolýy múmkin. Qazir bizde IBF jáne WBC tujyrymdary arasynda «úmitkerlerdiń qaqtyǵysy» bolyp jatyr. Eki tujyrym da mindetti úmitkerlerin bekitti. Boksta qazir alýan túrli saıasat bar, biz bir sheshimge kelýimiz kerek. Sońǵy úsh jyldan beri de barlyq tıtýldardy biriktirýge umtylyp kelemiz. Biz buǵan áli de qol jetkize alamyz. Bıllı Djo Sonders taıaýda ǵana óziniń aldaǵy jekpe-jegi bolmaıtynyn jarııalady. Eger «Kanelomen» kezdesýdiń sáti túspese, ol basty úmitkerlerdiń biri bolýy múmkin.