Golovkınniń promoýteri IBF tıtýlyn qaıtarý múmkindikteri týraly aıtty

ASTANA. QazAqparat - Belbeýlerdiń bar-joǵy endigide GGG-dyń boks álemindegi abyroıyna esh áser ete almaıdy. Mundaı pikirdi WBA/WBC/IBO nusqalary boıynsha orta salmaqtaǵy álem chempıony Gennadıı Golovkınniń múddesin qorǵaıtyn promoýter Tom Leffler bildirdi, dep jazady Sports.kz.

Budan buryn IBF Gennadııden óz tıtýlyn qaıtaryp alǵan bolatyn. Sebebi, qazaqstandyq boksshy Sergeı Derevıanchenkomen jekpe-jekte tıtýldy qorǵaýdan bas tartqan edi. Tom Leffler bolashaqta Golovkın ózine atalǵan belbeýdi qaıtaryp alýy múmkindigin joqqa shyǵarmady.  

«Barlyǵynyń kóńilinen shyǵa almaısyń. IBF óz mindetterin, WBC óz mindetterin alǵa tartyp otyr. IBF-tiń óz erejeleri bar, oǵan ne isteı alamyz? Biz osy jaǵdaıdy rettemek boldyq, biraq Gennadııden tıtýldy alý týraly sheshimdi eshkim kútken joq. Golovkın - tákappar chempıon, onyń álemdegi orta salmaqtaǵy eń úzdik boksshy ekenin tıtýlsyz-aq bári biledi. Ol barlyq belbeýdi biriktirýdi armandaıtyn, biraq IBF ony tıtýlynan aıyrdy. Bolashaqta ony qaıtara alamyz ba, ony kóre jatarmyz. Biraq, ázirge ol rıngtegi tıtýlyn joǵaltpaıdy. GGG-diń orta salmaqtaǵy úzdik chempıon ekenin barlyǵy biledi», - dedi promoýter Boxingchannel.tv-men áńgime barysynda.