Golovkınniń promoýteri boksshynyń bolashaq josparlary týraly aıtty

ASTANA. QazAqparat - Gennadıı Golovkınniń (38-1-1, 34 KO) promoýteri Tom Leffler boksshynyń Saýl Alvaresten (50-1-2, 34 KO) jeńilis tapqannan keıin alǵa qoıǵan maqsattary týraly aıtty, dep habarlaıdy Sports.kz.

«Qazir Gennadıı otbasymen demalysta, keıinirek odan ári ne isteıtinimizdi talqylaımyz. Golden Boy-dyń ne sheshetinin de kóremiz. Bizdiń bilýimizshe, olar «Kaneloǵa» jyldyń sońynda jekpe-jek uıymdastyrmaq. Úshinshi kezdesý bolmasa, basqa boksshylardy da qarastyryp kóremiz. Degenmen, úshinshi jekpe-jekke daıynbyz. Mýratomen kezdesý? Árıne, ony ótkizýimiz ábden múmkin, keremet aıqas bolary sózsiz. Ol qazan aıynda Las-Vegaste judyryqtaspaqshy. Top Rank-pen óte jaqsy qarym-qatynastamyz, múmkin qarsylas retinde de qarastyryp kóremiz. Sondaı-aq, Sonders Andrademen kezdesedi, biz bolsaq, Sonderspen judyryqtasýǵa árdaıym daıynbyz. Bir jaǵynan, qazir tıtýlymyz bolmaǵandyqtan mindetti kezdesýler de, qysym da joq. GGG úshin bárinen de qaısysy yńǵaıly ekenin baqylaımyz» - dedi Leffler The Ring-ke bergen suhbatynda.