Golovkınniń promoýteri álem chempıonynyń tórtinshi tıtýl úshin jekpe-jegi týraly málimdedi

NUR-SULTAN. QazAqparat - IBF/IBO nusqasy boıynsha orta salmaqtaǵy álem chempıony Gennadıı Golovkınniń promoýteri Tom Leffler Zanfer Boxing-qa GGG-diń WBA Super nusqasy boıynsha osy sanattaǵy tıtýl ıesi Rıota Mýratamen aldaǵy jekpe-jegi, sondaı-aq qazaqstandyq boksshynyń bolashaǵy týraly baıandap berdi, dep habarlaıdy QazAqparat Sports.kz saıtyna silteme jasap.

Golovkın men Mýratanyń IBF, IBO jáne WBA Super tıtýldary úshin jekpe-jegi Saıtamada (Japonııa) 29 jeltoqsanda ótedi. Leffler GGG jeńiske jetse, dıvızıon tıtýldary úshin kúreske qaıta kirisetinine úmitti.

«Golovkın men Mýrata judyryqtasýy – bul tamasha. Gennadıı búkil álemde judyryqtasqan, aıqasyn Japonııada da ótkizýdi armandaǵan. Mohammed Álı, Maık Taıson, Floıd Meıvezer jáne boks tarıhyndaǵy ózge de esimder bul elde jekpe-jekter ótkizdi. Gennadıı osyny taǵatsyzdana kútýde. Al Mýratamen jekpe-jek tamasha oqıǵa bolmaq.

- Bul onyń mansabyndaǵy mańyzdy aıqastardyń biri me?

- «Iá, árıne. Biz «Kanelomen» jekpe-jekterde áli de Gennadıı jeńdi dep sanaımyz, biraq ekinshi jekpe-jekte tıtýldan aıyrylǵan soń ol IBF beldigin qaıtaryp aldy, endi WBA tıtýly úshin kúresedi. Taǵy bir kúni ol WBC tıtýlynat talasatyndyǵyna úmittenemin.

Eske sala ketsek, WBC nusqasy boıynsha orta dıvızıondaǵy álem chempıony tıtýly qazirgi kezde amerıkandyq boksshy Djermall Charlonyń ıeliginde.