Golovkınniń negizgi qarsylasy bolǵan Rıota Mýrata jeńilip qaldy

ASTANA. QazAqparat - Japon boksshysy Rıota Mýrata (14-1, 11 KO) WBA tujyrymdamasy boıynsha ortasha salmaqtaǵy «turaqty» álem chempıonynyń beldigin qorǵaı almaı qaldy, dep habarlaıdy Sports.kz.

Ol Las-Vegastaǵy (Nevada shtaty, AQSh) Park Theater oıyn-saýyq kesheninde ótken boks keshine qatysyp, onda amerıkandyq Rob Brantke (23-1, 16 KO) qarsy aıqasty.

Jekpe-jek tóreshilerdiń biraýyzdan qabyldaǵan sheshimimen jeńis Brantqa berildi. Osylaısha, Rob Mýratanyń WBA tujyrymdamasy boıynsha chempıondyq beldigin alyp, mansabyndaǵy 24-shi jeńiske qol jetkizdi. Al Mýrata óz mansabynda ekinshi ret jeńilip, ataǵynan aıyryldy. Bul jekpe-jekte japondyq sportshy jeńiske basty úmitker bolǵanyn atap ótý kerek.

Eske sala keteıik, Rıota Mýrata qazaqstandyq boksshy Gennadıı Golovkınniń (38-1-1, 34 KO) kelesi qarsylasy bolýy ábden múmkin ekendigi týraly buǵan deıin de jazǵan bolatynbyz.