Golovkınniń Mýratamen jekpe-jegi sáýir aıynda bolmaq
00:37, 13 Qańtar 2022
NUR-SULTAN. QazAqparat – Japonııanyń kásipqoı boksshysy Rıota Mýratanyń (16-2, 13 KO) promoýteri Akıhıko Honda qazaqstandyq boksshymen bolatyn jekpe-jektiń jańa merzimin belgiledi, dep habarlaıdy QazAqparat Sports.kz silteme jasap.
Akıhıko Hondanyń aıtýynsha jekpe-jek sáýir aıynda ótpek.
Eske salsaq, Golovkın - Mýrata jekpe-jegi koronavırýstyq pandemııaǵa baılanysty japon úkimetiniń sheshimimen kóktemge shegerildi. Biraq naqty ýaqyty aıtylmaǵan edi. Atalǵan jekpe-jek ótken jyly bolady dep josparlanǵan edi.