Golovkınniń komandasy jańa arenany rezervke qoıdy

ASTANA. QazAqparat - Orta salmaqtaǵy álem chempıony Gennadıı Golovkınniń (37-0-1, 33 KO) komandasy 5 mamyrǵa Las-Vegastaǵy MGM Grand arenasyn rezervke qoıdy. Bul týraly «SPORTINFORM» SAA habarlady.

5 mamyrda Las-Vegastaǵy T-Mobile arenasynda Golovkın  meksıkalyq Saýl Alvarespen (49-1-2, 34 KO) ekinshi ret jekpe-jek ótkizedi dep kútilgen edi - olardyń 2017 jyldyń qyrkúıeginde ótken birinshi aıqasy teń nátıjemen aıaqtalǵan.

Alvarestiń dopıng-synamasynan tyıym salynǵan zat (klenbýterol) tabylǵannan keıin, Nevada shtatynyń Atletıkalyq komıssııasy (NSAC) tergeý bastady, onyń nátıjesi 18 sáýirde belgili bolady.

Osy aptada Golovkın-Alvares II jekpe-jegi bolmaıdy nemese keıinge shegeriledi dep kútilýde. Golovkın meksıkalyqtyń ornyna ırlandyq  slagger Gerı O'Sallıvanmen (27-1, 19 KO) judyryqtasady.

Eske sala ketsek, Saýl Alvares Nevada shtaty Atletıkalyq komıssııasynyń (NSAC) sheshimimen ýaqytsha sporttan shettetilgen edi.