Golovkınniń kezekti qarsylasynyń esimin anyqtaý kesheýildep jatyr

ASTANA. QazAqparat -WBC nusqasynyń bos turǵan orta salmaq sanatyndaǵy (72,6 kılogramǵa deıin) «ýaqytsha» álem chempıony tıtýly úshin 3 naýryzda Jermall Charlo (26-0, 20 KO) men Ýgo Senteno (26-1, 14 KO) arasynda ótýi tıis jekpe-jek 21 sáýirge kóshirildi, dep habarlaıdy «SPORTINFORM» SAA vringe.com-ǵa silteme jasap. 

Jattyǵýlardyń birinde Ýgo Senteno qabyrǵasyn abaısyzda zaqymdap alǵan. «Soqqy aldym. Áýeli aýrýǵa shydap, jumysty jalǵastyra bermekshi edim, biraq et qyzýy basylǵan soń tekserilýge týra keldi. Qýanyshtysy, qabyrǵam synbaǵan eken», - deıdi Senteno.

vringe.com-nyń jazýyna qaraǵanda, Charlo-Senteno jekpe-jegi Brýklındegi (AQSh) boks keshinde, burynǵy chempıondar Edrıen Broýner men omar Fıgeroa jekpe-jegimen qatar ótedi.

Aıta keteıik, Charlo men Senteno úmitker bolýǵa talasyp jatqan WBC nusqasy boıynsha orta salmaqtyń álem chempıony beldigi Gennadıı Golovkınge tıesili.