Golovkınniń kezdesýi jyldyń úzdik 5 jekpe-jeginiń tizimine endi

NUR-SULTAN.QazAqparat – Boks týraly jazatyn eski basylymdardyń biri brıtandyq Boxing News jýrnaly 2019 jyly kásipqoı bokstaǵy úzdik jekpe-jekterdiń ondyǵyn jarııalady, dep habarlaıdy QazAqparat Sports.kz-ke silteme jasap.

Besinshi orynǵa 5 qazanda Nıý-Iorktaǵy Madison Square Garden arenasynda IBF jáne IBO nusqasy boıynsha orta salmaqtaǵy álem chempıony belbeýi úshin bolǵan qazaqstandyq Gennadıı Golovkın men ýkraınalyq boksshy Sergeı Derevıanchenko arasynda jekpe-jek jaıǵasty.

«Bul kezdesýde eki boksshynyń da qajyǵan jáne alańdatqan sátteri boldy, biraq Nıý-Iork tóreshileri biraýyzdan Golovkınge basymdyq berip, ol IBF nusqasy boıynsha orta salmaqtaǵy álem chempıony tıtýlyn jeńip aldy», - delingen basylymda.

Tolyq ondyq tizimi mynadaı:

1. Naoıa Inoýe — Nonıto Doneır

2. Djosh Teılor — Redjıs Progre

3. Endı Rýıs — Entonı Djoshýa

4. Errol Spens — Shon Porter

5. Gennadıı Golovkın — Sergeı Derevıanchenko

6. Hose Ramıres — Morıs Hýker

7. Stıven Ýord — Lıam Konroı

8. Artýr Beterbıev — Aleksandr Gvozdık

9. Djýlıan Ýılıams — Djarrett Herd

10. Robert Talarek — Patrık Shımanskı.