Golovkınniń kelesi jekpe-jegi ótetin jer men kúni belgili boldy
13:44, 05 Qarasha 2019
NUR-SULTAN. QazAqparat – Orta salmaq sanatynda burynǵy Eýropa chempıony, polshalyq Kamıl Sheremetanyń promoýteri Andjeı Vasılevskıı orta salmaqtaǵy IBF chempıony Gennadıı Golovkınmen aıqasýǵa daıyn ekenin bildirdi, dep habarlaıdy QazAqparat Sports.kz-ke silteme jasap.
5 qazan kúni Sheremeta Nıý-Iorkte bolǵan Golovkın – Derevıanchenko boks keshiniń anderkardynda kezdesý ótkizip, meksıkalyq Oskar Kortesti ekinshi raýndta nokaýtpen jeńgen edi.
«Biz daıynbyz, Kamıl Sheremeta tákappar sportshy. Ol GGG sııaqty boks ańyzymen jekpe-jek ótkizýdi armandaıdy. Bul ári onyń maqsaty», - dedi Vasılevskıı The Ring-ke bergen suhbatynda.
Promoýterdiń aıtýynsha, jekpe-jekti 8 nemese 29 aqpanda, qalyń polıak dıasporasy otyrǵan Chıkagonyń Wintrust Arena-synda uıymdastyrýǵa bolady.