Golovkınniń qarsylasy «Kanelo» tózimdiligin shyńdaýmen aınalysýda

ASTANA. QazAqparat - Meksıkalyq boksshy Saýl Alvares (49-1-2, 34 KO) qazaqstandyq Gennadıı Golovkınmen (37-0-1, 33 KO) kezdesýiniń aldynda óziniń basty problemalarynyń biri - tózimdiligin shyńdaý úshin jattyǵý úderisine jańa elementterdi qosyp jatyr, dep habarlaıdy Sports.kz.

Youtube-kanal Villainfy Media «Kanelonyń» tynys alýdy qıyndatatyn arnaıy maskamen sý toltyrylǵan grýshany uryp jatqan mezettegi beınekórinisin jarııalady.

BAQ ókilderiniń pikirinshe, bul kórinis meksıkalyq boksshynyń aıbynyn arttyra túspek.

Golovkın-Alvares revanshy 5 mamyrda ótedi. Kezdesý ótetin oryn keshirek habarlanady. Alaıda onyń Las-Vegasta ótý múmkindigi óte joǵary.