Golovkınniń qarsylastary ózara bástesti

ASTANA. QazAqparat - Meksıkalyq boksshylar Saýl Alvares pen kishi Hýlıo Sezar Chaves bás tikti. Oǵan sáıkes aıqas jeńimpazy óz gonorarymen qosa, qarsylasynyń da aqshasyn alady.

Jekpe-jek Las-Vegasta 6 mamyrda ótedi, dep habarlady sports.kz.

«Bul sheshimdi ekeýmiz qabyldadyq, sodan keıin kamera aldynda jigittershe qol alystyq. AQSh-ta aýyzsha ýaǵdalastyqtyń ózi resmı kelisim retinde esepteledi. Kelisim jasaldy. Endi ekeýmizdiń bireýimiz eki ese gonorarmen oralamyz, ne qury qol», - dedi Alvares ESPN-ge bergen suhbatynda.

Kishi Chaves eger jeńgen jaǵdaıda, óziniń gonoraryna teń somany emes, qazirgi sátte odan kóp bolyp turǵan Alvarestiń barlyq gonoraryn alǵysy keletinin aıtty.