Golovkınniń «Kanelomen» trılogııasy aldynda kimmen judyryqtasatyny belgili boldy

NUR-SULTAN. QazAqparat - The Athletic ınsaıderi Maık Koppındjerdiń aqparatynsha, IBF/IBO nusqalary boıynsha orta salmaqtaǵy álem chempıony Gennadıı Golovkın kelesi jekpe-jegin 18 jeltoqsan kúni AQSh-ta ótkizedi, dep habarlaıdy QazAqparat Sports.kz saıtyna silteme jasap.

Onyń qarsylasy – ІBF-tiń mindetti úmitkeri, Polsha boksshysy Kamıl Sheremeta bolady. Bul aıqas Saýl «Kanelo» Alvarestiń 19 jeltoqsanda DAZN-da Kallým Smıtqa qarsy jekpe-jeginiń aldynda ótedi. Qazaqstandyq jáne meksıkalyq sportshylardyń úshinshi aıqasy kelesi jyly ótedi dep josparlanyp otyr.

«Endi, 19 jeltoqsanda «Kanelonyń» Smıtqa qarsy jekpe-jegi ótetin bolsa, Golovkın men Sheremeta 18 jeltoqsanda judyryqtasatyn bolady, árıne, eger DAZN-men kelisý múmkin bolsa. Derekkózderge sensek, bul kezdesý Tehas nemese Florıdada ótýi múmkin jáne «Kanelo» men GGG mamyr aıyndaǵy úshinshi jekpe-jektiń aldynda birdeı kestege ornalasady», - dep jazdy Koppındjer Twitter-de.

Eske sala ketsek, BoxRec.com bedeldi saıty salmaq dárejesine qaramastan (pound-for-pound) álemniń úzdik boksshylary reıtıngisiniń jańartylǵan nusqasyn usyndy. Ondaǵy birinshi orynda brıtandyq boksshy Taıson Fıýrıdiń esimi tur, odan keıin tizimde AQSh ókili Errol Spens pen qazaqstandyq boksshy Gennadıı Golovkın ornalasqan.