Golovkınniń «Kanelodan» keıingi qarsylasy ataldy

ASTANA. QazAqparat - Gennadıı Golovkınniń promoýteri Tom Leffler 5 mamyrǵa josparlanǵan GGG men «Kanelo» arasyndaǵy revanshtan keıin úshinshi aıqasty uıymdastyrý ázirge qarastyrylyp otyrmaǵanyn aıtty. Bul týraly Sports.kz habarlady.

Qarymta jekpe-jek qazaqstandyq boksshynyń paıdasyna aıaqtalǵan jaǵdaıda, onyń basty maqsaty WBO-nyń orta salmaqtaǵy álem chempıony tıtýly bolmaq. Al oǵan búgingi kúni Bıllı Djo Sonders ıe.

«Úshinshi aıqas - bul máseleni taraptardyń eshbiri áli talqylaǵan emes. Men de, Erık Gomes te, ázirge bar kúsh-jigerdi ekinshi aıqasqa salatynymyzdy aıtyp otyrmyz. Rematchta jeńiske jetken tarap, úshinshi aıqastyń qajeti bar-joǵyn sheshetinine kelistik.  Eger trılogııa bolyp jatsa da, ony aldaǵy taıaý ýaqytta uıymdastyrmaımyz. Eger Golovkın jeńse, ol  Bıllı Djo Sonderspen birlesken jekpe-jek ótkizedi», - dep keltiredi Lefflerdiń sózderin Boxingscene.com.