Golovkınniń eks-bapkeri «Kanelomen» úshinshi aıqastyń qalaı ótetinine boljam jasady

NUR-SULTAN. QazAqparat - Gennadıı Golovkınniń burynǵy bapkeri Abel Sanches yqtımal úshinshi aıqasta Saýl «Kanelo» Alvaresti jeńýge qandaı múmkindigi bary týraly pikir bildirdi, dep habarlaıdy Sports.kz.

Sanches meksıkalyqpen alǵashqy eki aıqasta Golovkın jaqta boldy. Birinshi jekpe-jek teń nátıjemen aıaqtalsa, ekinshi ret tóreshiler jeńisti Alvareske bergen edi.

«Gennadıı ony eki ret jeńdi. «Kanelony» úshinshi ret jeńbeýge eshqandaı sebep joq. Buǵan Golovkın aralasa alsa, eger oǵan bas tarta almaıtyndaı usynys jasamasa, ol «Kanelomen» Vegasta aıqaspaıdy. Eger olar taǵy da judyryqtassa, aıqas basqa jerde ótedi dep úmittenemin jáne GGG ony jeńedi. Aldyńǵy eki jekpe-jektegideı ol ony taǵy da jeńedi», - dedi Sanches AB Boxing News-ke bergen suhbatynda.