Golovkınniń Derevıanchenkomen aıqasynan keıingi qarsylastarynyń esimderi anyqtaldy

NUR-SULTAN. QazAqparat – Qazaqstandyq boksshy Gennadıı Golovkınniń promoýteri Eddı Hırn ýkraınalyq Sergeı Derevıanchenkomen 5 qazanda Nıý-Iorkte ótetin tıtýldyq jekpe-jekten keıingi boksshynyń bolashaǵy týraly aıtty, dep habarlaıdy QazAqparat Sports.kz-ke silteme jasap.

«Gennadııdiń tańdaýy kóp. Orta salmaqtaǵy WBO chempıony Demetrıýs Andrade bar. Eger senbi kúni GGG jeńse, onymen aıqasatyny tabıǵı jaıt. Sondaı-aq, Bıllı Djo Sonders bar. Eger ol salmaǵyn 160 fýntqa túsirse nemese Golovkın 168-ge ulǵaıtatyn bolsa, onymen keremet aıqas uıymdastyrýǵa bolar edi. WBA/The Ring boıynsha álem chempıony Kallým Smıt, Dennı Djeıkobspen rematch... tizimdi jalǵastyra berýge bolady. Senbi kúni sol baıaǵy «sheshýshi» Gennadıı Golovkındi kóretin bolsaq, keremet bolar edi. Kópshilik «Kanelomen» úshinshi jekpe-jekti talap ete bastaýshy edi», - dedi Hırn.

Qazaqstan ýaqyty boıynsha IBF jáne IBO nusqalary boıynsha orta salmaqtaǵy álem chempıony tıtýly úshin Golovkın men Derevıanchenko arasyndaǵy talas aıqas 6 qazan kúni tańerteń «Qazsport» telearnasynan tikeleı efırde kórsetiledi.

https://www.inform.kz/ru/promouter-golovkina-nazval-ego-sopernikov-posle-titul-nogo-boya-s-derevyanchenko_a3571290