Golovkınniń burynǵy qarsylasyn rıngten zembilmen alyp ketti

ASTANA. QazAqparat - IBF nusqasy boıynsha orta salmaqtaǵy burynǵy álem chempıony Davıd Leme amerıkalyq Kertıs Stıvensti  nokaýtqa jiberdi, dep habarlaıdy  sports.kz.

Aıqas bastalmaı jatyp qazaqstandyq Gennadıı Golovkınniń burynǵy qarsylastary bir-birine aýyr soqqylardy jaýdyra bastady. Úshinshi raýndta Leme Stıvensti arqanǵa taqap, sol jaqtan qatty soqqy jasady. Nátıjesinde amerıkalyq sportshy tereń nokaýtqa ketti.

Atap ótilgendeı, boksshy esinen tanyp qulaǵan. Birshama ýaqyttan keıin  medıkter onyń esin jıdyryp, zembilmen alyp ketti.