Golovkınniń bapkeri shákirtiniń aldaǵy jekpe-jegi týraly aıtty
09:20, 26 Tamyz 2019
NUR-SULTAN. QazAqparat - Gennadıı Golovkınniń bapkeri Djonaton Benks boksshynyń ýkraınalyq Sergeı Derevıanchenkoǵa qarsy ótkizetin jekpe-jegine qatysty pikir bildirdi, dep habarlaıdy QazAqparat Sports.kz-ke silteme jasap.
Sóz arasynda Benks óziniń qarsylasy – Derevıanchenkonyń bapkeri Andre Roze týraly da aıtty.
«Rozege qarsy turý maǵan da zor abyroı, men osy sózdi 15 jyl buryn áýesqoı boksta júrgen kezimde-aq aıtqanmyn. Osy jigitti tek qurmetteımin. Bul osy jekpe-jekti men úshin Golovkınniń mansabyndaǵy eń iri aıqastardyń birine aınaldyrady. Men Rozeniń tarıhyn jaqsy bilemin, onyń aınalasynda únemi jaqsy boksshylar júrgen, óıtkeni olar Rozeniń ózderin jańa deńgeıge shyǵaratynyn biledi. Bul jaqsy jekpe-jek bolady», - dedi Benks.
Eske salaıyq, Gennadıı Golovkın — Sergeı Derevıanchenko aıqasy 5 qazanda Nıý-Iorkte Madison Square Garden arenasynda ótedi. Boksshylar birinshi baspasóz máslıhatyn ótkizip, kóz arbasty.