Golovkınniń bapkeri onyń qashan basqa salmaqqa aýysatyndyǵyn aıtty
10:01, 07 Jeltoqsan 2018
ASTANA. QazAqparat - Orta salmaqta burynǵy álem chempıony Gennadıı Golovkınniń bapkeri Abel Sanches boksshynyń qazirgi baby, kásibı mansabynyń merzimderi týraly aıtty, dep habarlaıdy QazAqparat Sports.kz-ke silteme jasap.
Bapkerdiń aıtýynsha, qazaqstandyq bylǵary qolǵap sheberi keler jyly ekinshi orta salmaq sanatyna aýysýy múmkin.
«Ol 160 fýntta qala ma, 168-ge aýysa ma - kóremiz. Onyń eki-úsh jyldyq karerasy bar, osy jyldardy barynsha tıimdi ótkizýi qajet. Men onyń taǵy da eki-úsh jyl bokstasqanyn qalaımyn. Bastysy, Gennadııdiń zaldaǵy jattyǵýlarǵa burynǵydaı yntasy joǵary. Osy betinen aınymasa, taǵy da bes-alty jekpe-jekti oıdaǵydaı ótkize alady», - dedi maman ESPN Deportes-ke bergen suhbatynda.
Jospar boıynsha, Golovkın 2019 jyldyń kókteminde rıngke oralýy tıis. Biraq ázirshe qarsylasynyń kim boatyndyǵy belgisiz.