Golovkınniń bapkeri onyń «Kanelodan» jeńilgennen keıingi jaǵdaıyn aıtty

ASTANA. QazAqparat - Qazaqstandyq boksshy Gennadıı Golovkınniń (38-1-1, 34 KO) bapkeri Abel Sanches GGG-diń meksıkalyq Saýl Alvaresten (50-1-2, 34 KO) jeńilgennen keıingi alǵashqy sózderi men reaktsııasyn eske aldy, dep habarlaıdy Sports.kz.

- Golovkın jekpe-jekten keıin kıim aýystyratyn bólmege kelgende aıtqan alǵashqy sózderi qandaı boldy?

- «Jeńilgenimizge sene almaımyn. Men jeńdim dep oıladym». Onymen kelisemin. Men de jeńdik dep oıladym. Biraq, tóreshilerdiń sheshimin ózgerte almaımyz. Biz de, adamdar da bizdi jeńdi dep oılady.

Eske salaıyq, Golovkın - «Kanelo» rematchy 16 qyrkúıek kúni Amerıka Qurama Shtattarynyń Las Vegas qalasynda ótken bolatyn. Nátıjesinde otandasymyz tóreshiler sheshimimen (113-115, 114-114, 113-115) jeńilip, WBA Super, WBC jáne IBO tujyrymdary boıynsha orta salmaqtaǵy chempıondyq beldikterinen aıyryldy. Olardyń birinshi aıqasy byltyr teń upaımen aıaqtalǵan edi.